Back حرب تقليدية Arabic Guerra convencional Catalan شەڕی خۆماڵی CKB Rhyfela confensiynol Welsh Konventionelle Kriegführung German Conventional warfare English Konvencia milito Esperanto Guerra convencional Spanish Gerra konbentzional Basque جنگ کلاسیک Persian
La guerra convencional ye un tipu de guerra que se realiza utilizando teoríes, medios, estratexes y táctiques tradicionales, nel contestu d'un conflictu armáu ente dos o más Estaos abiertamente contrarios. Les fuercies de dambos bandos queden bien definíes, suelen combatir en campu de batalla definíos y lluchen con armamentu que'l so oxetivu primordial ye l'exércitu enemigu y les sos infraestructures. De normal, el términu guerra convencional esclúi l'usu d'armes de destrucción masiva y específicamente l'usu d'armes nucleares.
Polo xeneral, el propósitu de la guerra convencional ye debilitar o destruyir les fuercies militares del enemigu, pa nega-y la posibilidá de siguir combatiendo y obligar a la so dirigencia política a rindise. Sicasí, puede dase que dalgún de los bandos utilice táctiques non convencionales pa forzar la capitulación. Esti fechu, y l'enorme poder de delles armes convencionales contemporánees, faen que la llende ente guerra convencional y otros tipos de guerra pueda ser difusu.